Summer Makeup Products

من  أفضل المنتجات للصيف منتجات #شنب محا تخيبك 

1/ البرايمر 

لازم لازم تستخدمي برايمر حتى لو ماحتحطي مكياج بحيث انو يتحكم بالدهون و ما يخلي وجهك مزيت و بالتالي تطلع حبوب و تدخلي في مشكلة جديدة أفضل نوع لقيتو و بعد معاناة هو SMASHBOX PHOTO FINISH تلاقوه اون لاين و عند التاجرات و في منو أنواع لمختلف مشاكل البشرة مثلا  الاخضر لاخفاء الحمار أو الازرق للترطيب ...  انا استخدم الشفاف .

2/الاساس 

أفضل المنتجات البودرة طبعا بما انو صيف و ما احب و لا أظن في احد يحب إحساس ثقل على البشرة فبالتالي المنتجات البودرة أخف و تأدي نفس غرض المنتجات السائلة و الكريمية بس من غير ما تحسي انك حاطة شئ و تبان طبيعية أكثر و أفضل منتجين لقيتهم و أنصح بتجريبهم للي ما جربهم بشششدةةة (ينفعوا لكل الاوقات و كل المناسبات ) هما MINERALIZE SKIN FINISH NATURAL , STUDIO FIX PLUS POWDER FOUNDATION  كتبت عنهم بالتفصيل هنا. 

3/ البلشر 

استخدمي الي تحبيه أهم شيء يكون باودر أو تتبثي الكريمي بباودر من بلشراتي المفضلة للصيف MAC PINCH ME , NARS TAJ MAHAL , BENEFIT HERVANA  

4/ التحديد و الاضاءة 

شئ مو ضروري خصوصا بما انو صيف بس لو حابة احدد وجهي استخدم درجة أغمق من MAC MINERALIZE SKIN FINISH NATURAL يبان مرة طبيعي و استخدموا احيانا لدمج منتجات تحديد الوجه الثانية إذا غامقة مرة أو حابة أخفف حدتها , أما بالنسبة للاضاء افضل منتج لقيتو و يناسب تقريبا جميع الوان البشرة و يمكن استخداموا كظل للعيون ... هو DIOR AMBER DIAMOND SHIMMERING POWDER أو للوك أخف و طبيعي أكثر أستخدم درجة أفتح من MAC MINERALIZE SKIN FINISH NATURAL 

5/ مكياج العيون 

احرصي على استخدام برابمر انصح ببرايمر اربن ديكاي (غير موجود في السعودية ) و توفيسد شادو انشيرونس من سيفورا أو ماك بينت بوت (الوان مختلفة أختاري الي يناسبك) , انا استخدم برايمر و احط بودرة وجهي على الجفن كامل و استخدم لون غامق(نفس الي احدد بيه وجهي(مينيرلايز سكن فينش ناتشورال من ماك) ) على كسرة العين و طبقات من المسكارا وبس أو بس مسكارا و برايمر و استخدم لون فاتح للحواجب يطلع احلى في الصيف (استخدمي لون افتح ب درجتين / ثلاث درجات من لون شعرك) .

6/ الشفايف 

أفضل استخدام شئ خفيف في النهار قلوس أو مرطب شفايف بلون انصح بقلوسات ديور , ريفلون , نكس و ماك طبعا و بالنسبة للمرطبات الملونة انصح ب جست بيتن من ريفلون أو تشبي ستك من كلينيك أو لابيلو , أما بالنسبة لليل تقدري تستخدمي الي تحبيه ممكن روج أو قلوس أو مرطب ملون .

7/ الباودر للتبيث 

انصح ب مات لووس باودر من ميكب فور ايفر أو ريميل استي مات أو ماك بلوت باودر , استخدمي فرشة كبيرة لتوزيع بودرة التثبيث على الوجه بحركات طبطبة و بعد 10 ثواني امسحي الزايد بالفرشة الكبيرة بطريقة خفيفة مررة يعني بس براس الفرشة امسكي الفرشة من الطرف الاخير عشان تكون يدك خفيفة .

هذا تقريبا روتين مكياجي في الصيف اذا استخدمت مكياج :) 

نصائح :

1: اتجنبي استخدام الكثير من المكياج في الصيف بدون سبب أو مناسبة للحفاظ على بشرتك .

2: احرصي على الترطيب و التقشير قبل وضع المكياج ليبدو أجمل كتبكت عن أحسن المرطبات هنا. 

3:إذا اكتسبتي لون برونزي استخدمي منتجات تناسب لونك الجديد لا منتجاتك لبشرتك في الشتاء أو عندما تكون أفتح , لكن تستطيعي استخدامها في اماكن الاضاء (منتصف الجبهة و الانف و الذقن , أعلى الخدود) للاضاءة .

4: الصيف فرصة لتجريب الالوان القوية لمن يتخوف منها عادة و ظلال العيون اللامعة .

5: إذا استخدمتي أي منتج سائل أو كريمي ( ايلاينر سائل أو جل أو ظل عين كريمي) احرصي على تتبيثه بمنتج باودر بنفس درجة اللون .

6: يفضل تحديد و استخدام الاضاءة للوجه في الليل و الاكتفاء بالبلشر في النهار .

7: الغذاء الصحي و الطبيعي و شرب الكثير من الماء كأسلوب حياة دائم يغنيكي عن كل مستحضرات التجميل أو يظهرها عند استخدامها بشكل أجمل . 

ايش المنتج الي ما تستغني عنو في الصيف ؟ 

أتمنالكم صيف سعيد 

لو حبيتي المدونة كوني دائما على علم بأجد التحديثات بالضغط على 

   

تلاقيها في أسفل الصفحة 

اتمنى تشرفوني بمتابعتكم  في تويترهنا

إذا عندك سؤال تقدري تسأليني في خانة التعليقات أو هنا