Summer Preparations

1/ واقي الشمس 

عارفة انو مرةة نكسل و ما نحب احساس الواقي على بشرتنا أو ريحته أو الأثر الابيض الي يبقى منو بس انا حاعرفكم على واقيات للشمس مرة خفيفة و ممتازة , و لازم لازم تستخدمي واقي الشمس الين ما تتعودي و يسير شئ اساسي في روتينك ... من الاضرار الي يحمينا منها الواقي : 1. التجاعيد , 2. البقع (سواء أغمق من الجلد أو أفتح ) , 3. الحروق و غيرها الكثير

الواقيات الي انصح فيها : 

Vichy Capital Soleil 

خفيف جدا اساسو مويه مناسب جدا للبشرات الدهنية و المختلطة ... هذه صورتو 

Neutrogena Ultra Sheer 

مافيه ريحه ينشف بسرعة و ضد الماء 

                             Bioderma Photoderm

اثقل من الاثنين الي قبلو يناسب البشرات الجافة و العادية 

                                                                                                                                                                     2/ المو ية 

مهما كان أكلك كويس و أسلوب حياتك صحي الموية مافي أي شئ يعوض عنها , و لا تحاولي تستبدليها بسوائل عصيرات أو أي شئ ثاني لأنو سبحان الله أجسامنا ذكية و تعرف تفرق بين الموية و أي سوائل ثانية , لازم تشربي عالأقل لتر و نص كل يوم و حتشوفي فرق في شعرك بشرتك و صحتك عموما , و من الأشياء الي تزيد الوزن انو كثير أحيانا الناس بيحسبو العطش جوع فياكلو و كل ما يأكلو أكثر كل ما يجوعو أكثر فأنتبهي لدي النقطة ... منتي متعودة على شرب الموية أنا حاديكي طرق تسهل عليكي شرب كميات أكثر 

1. أشربي من القوارير 

2. نكهي الموية ( بالورد , قطع ليمون أو برتقال أو خيار أو نعناع , الكادي ...)

3.أشربيها مرة باردة و مرة حارة 

3/حماية الشعر

زي ما في للبشرة واقي من الشمس في كمان للشعر واقي من الشمس فيحميه من التقصف و التلف و الجفاف الي تسببوا الشمس 

وغطي  شعرك بسكارف حيساعد 

و زيت الارغان/ الأركان المغربي يعتبر واقي طبيعي للشعر من الشمس بس اهم شئ يكون اصلي نقي 

4/ المكياج المعدني 

و هو عبارة عن مكياج مصنع من المعادن المضغوطة و يكون خالي من الزيوت و الشمع و ممكن يفيد البشرة 

إذا حيكون خفيف على البشرة ومنظره  طبيعي 

تلاقي المكياج المعدني في ماركات كثيرة الي عندنا هنا في السعودية ماك و بير مينيرالز 

ماك تلاقي قي مجمع العرب , رد سي مول و التحلية سنتر 

اما بير مينيرالز تلاقيها في سيفورا و دحين عاملين عرض مرة حلو مجموعة كاملة تشتريها بسعر ممتاز 

5/ مرطب شفاه بواقي من الشمس 

شئ مرة بسيط بس يفرق كثير , الشايف مرة حساسة و لازم لازم نحميها من الشمس و حتلاقي في بعض مرطبات الشفاه مكتوب (SPF) و رقم جنبها مثلا SPF15 .. أو أي رقم ثاني المهم خذي المرطب الي فيه واقي من الشمس 

مرطبي المفضل الي فيه واقي من الشمس هو ميبالين بيبي لبس أخدتو من بووتس و هذا شكلو 

اتمنى لكم صيف سعيد 

 كوني دائما على علم بأجد التحديثات بالضغط على 

   

تلاقيها  أسفل الصفحة 

و لا تنسوا تتابعوني في تويتر هنا و في البلوق 

حابة تسألي عن شئ اتفضلي هنا