منتجات متميزة بأقل الاسعار

مرحبا يا جميلات

اليوم حأكتب عن أفضل المنتجات الي سعرها الرخيص ما قلل من جودتها و ممكن تكون أحسن من منتجات من ماركات معروفة و بسعر ضعف أو أكثر من سعرها ...

بسم الله نبدأ 

1.الاساس 

للبشرة الدهنية :

 Revlon .. Color stay

     ممتاز جدا تغطية عالية متوفر بدرجات كثيرة يعني سمرا , بيضا أو حنطية حتلاقي درجتك و طبعا بما انو للبشرة الدهنية حيعطيكي مظهر "مات" او مطفي 

للبشرة العادية / الجافة 

Bourjois .. Healthy mix

ممتاز جدا برضو يقارنو باساس شانيل ( أصلا هما الاثنين تقريبا نفس الشركة أو المالك و المصنع واحد) ,العيب الوحيد انو مو متوفر مرا بدرجات كثير بس غالبا درجاتنا الشرق اوسطية  متوفرة , يعطيكي مظهر "ديوي" أو مندي و صحي انصح فيه حتى البنات الي بشرتهم مختلطة بس مع برايمر كويس للتحكم بالدهون .

2. الكونسيلر 

Maybelline .. Fit me 

كلمة ممتاز قليلة فيه حتى ممكن تستخدميه كاساس من كثر ما هو ممتاز ينفع لتحت العيون و للوجه  .

L'oreal .. True match 

برضوا جدا جدا ممتاز و تقريبا كل كونسيليرات لوريال ممتازة و تتقارن بالماركات الغالية . 

3. أحمر الخدود "البلشر" 

Nyx

بلشرات نكس غنية عن التعريف و الالوان ما شاء الله كلها بتدرجاها و كمان بمختلف التركيبات (تلاقي مطفي و تلاقي الي فيه لمعة) 

4. البرونزر (البودرة البرونزية) 

Maybelline  , Bourjois , Max factor 

عندهم اكثر من نوع على حسب الدرجة و التركيبة ال تناسبك بس ممتازين 

5. ظل العيون 

Revlon , Maybelline , Nyx 

غالبا الظل من هده الماركات كويس بس مم دائما يعني انتي و حظك 

6. الارواج 

Revlon , Nyx , Maybelline 

ارواجهم ممتاززززززة !

7. القلوس (ملمع الشفاه )

Revlon , Nyx 

ما تلاقي احسن من قلوساتهم , اشتري و انتي مغمضة ! 

8. المسكرا

Maybelline , L'oreal 

 اشتري و انتي مغمضة بقوة !

البودرة 

Rimmel .. Stay matte

ممتازة جدا للتحكم بالدهون لكن ما فيها اي تغطية ! بس دا الشي ايجابي لانو محا تخلي وجهك كأنو عليه طبقة أو قناع ! 

Rimmel ... True match 

للي تبغى تغطية , بس مو تغطية عالية , من خفيفة لمتوسطة بس ممتازة جدا ! 

كوني صديقة للمدونة و على علم بأجد التحديثات بالضغط على

و اتمنى تشرفيني بمتابعتك ليا في تويتر هنا ... مستنياكم :)
حابة تسألي عن شئ اتفضلي هنا