Favorites:April 013

مفضلاتي لشهر ابريل ... 

1/ بلش هيرفانا 

اشتريتو على نهاية الشهر بس استخدمتو كل يوم من يوم ما اشتريتو , اعشقوااا من افضل اذا مو افضل بلش بينك فاتح و طبيعي و رائع و كل شيء كويس في الدنيا , عملت ريفيو عنو  هنا . 

2/ غسول بيورتي من فيلوسفسي 

غسول كامل متكامل ينفع لكل انواع البشرة , لطيف مو قاسي و قوي على البشرة , و بما انو بشرتي دهنية احيانا اعالجها و استخدم اشياء قوية و تنشفها بزيادة و تقشرها فادخل في مشكلة تانية غير مشكلة الدهون الزائدة  فاذا حصلت هذه المشكلة او ما حصلت هذا هو الغسول الي استخدموا لحل كل شئ , اشتريتو عن طريق واحدة اون لاين ب 120 ريال . 

3/ قصة البيبلوم 

هي طالعة من فترة بس مؤخرا حبيتها بزيادة , احلى شئ انو تلاقيها في توب عادي قطني او توب رسمي و تناسب جميع الاجسام بكل الاحجام و تعطي انوثة و تناسق للجسم , لازم لازم  كل بنت يكون عندها عالاقل قطعة واحدة قصتها تكون بيبلوم . 

4/ البيوتي بلندر 

اه من افضل اختراعات العصر , تدمج الاساس بطريقة لا يعلى عليها و ممكن تستخدميها للباودر فاونديشن و هي مبلولة شويا تعطيكي تغطية عالية و نفس الوقت طبيعية , توصل للاماكن الي احيانا الفرشة ما توصلها او ما تدمج الاساس فيها بطريقة حلوة زي حولين الانف و الفم و حدود الشعر او اذا استخدمتيها للكونسيلر او الكوركتر لزاوية العين الداخلية , انصح فيها بشددة . 

5/ المشروب (العصير) الاخضر 

انا انسانة صحية و احب اتقي شر المرض و اقوي مناعتي و خصوصا مع كثرة الامراض و التلوث المحيط بينا , فعشان كدا دائما ادور على كل شيء ينفع صحتي و طبعا لمن الصحة تكون كويسة حتكوني احلى و اجمل و جذابة اكثر حرفيااا ! هههه اتحمست مررة صح ؟ عالعموم المشروب عبارة عن : ليمون , بقدونس, سبانخ ,زنجبيل , تفاح , خيار و شمندر(بنجر)  , تخلطيهم مع بعض من غير مويا او سكر و بالعافية لذيذ والله لا تخافو جربوه و حتدعولي ان شاء الله  *ملاحظة : البقدونس لازم تحطوا كميه مع بعض عشان تنزل مويته (نص حزمة) . و ان شاء حتوسع في موضع المشروب الاخضر و اكتب بالتفصيل خلطات تانية و فوائد و كل شئ . 

6/ تو فيسد ليب انجكشن اكستريم 

ذا الشئ يا جميلات هو افضل شئ ينفخ و يكبر الشفايف مؤقتا , هو زي القلوس الشفاف بس اثقل شويا تحطيه و حتحسي بحرق مو خفيف يعني متوسط لقوي شويا بس يستاهل لمدة 10 دقايق و بعدها حتسيري انجلينا جولي الشرق هههه والله ما ابالغ ممتاز اخذتوا من سيفورا ب 105 ريال . * ماحوظة : انتبهي لا تخرجيه برا حدود شفايفك او يجي على اي مكان تاني !!! 

7/ القرفصاء 

وهي عبارة عن تمرين يشد المنطقة السفلية من الجسم ( الفخذ ,  المؤخرة) و يقوي العظام , من المهم جدا انو تعملي رياضة و الكثير حابين بس مو عارفين كيف يبدأو , القرفصاء من اسهل التمارين الي تتعمل في اي مكان و فائدتها تبان تقريبا في وقت قصير نسبيا , 

طريقتها : توقفي بطريقة مستقيمة و الرجلين تكون متوازية مع الاكتاف (يعني مو جدا قريبة على بعض او بعيدة) و تشدي البطن و تتخيلي انو في كرسي فتجلسي و تقومي و تجلسي و تقومي ... اعمل 3 مجموعات كل مجموعة 15-20 قرفصاء . طبعا اذا مبتدئة ابدائي بالتدريج 3 مجموعات 6-8 قرفصاء . 

8/ ماسكرا سمبشيوس اكستريم من ايستي لودر 

اههه افضل ماسكارا هاي اند تطول وتكثف و لا تكتل , في احسن من كدا؟؟؟ ما اظن! , جاتني هدية عينة من سيفورا و استخدمتها لمدة شهرين ماشاء الله و لسى باقي شويا ما خلصت , فرشتها شعر مو بلاستك و هذا يفيد في الحجم جدا بس , من احسن المسكرات الي جربتها تقدري تستخدميها للوك طبيعيي و تقدري تزيدي طبقات قد ماتحبي للوك قوي اكثر و ما تكتل ابدا ابدا , ممتااازززة . جربوها 

9/ مكمل اوميغا 3 

بنااات لازم تاخدوها فادتي كتيييير , من فترة شعري صار يتساقط بطريقة مو طبيعية ما ابالغ خف كتيررر و اتحرق (انحسدت , حصنوا نفسكم ) و نفسيتي تعبت مررة مررة و هدا الشئ سبب تساقط اكتر بس اتعوذت من الشيطان و قلت يرجع يعني يرجع و فعلا بدأت احسن اكلي و اهتم في شعري و انتبه لنفسيتي و اهم شيء احصن نفسي !!! و قرأت و بحث كتيير عن مكمل غذائي كويس و مالقيت احسن من الاوميغا 3 و فعلا لاحظت فرق مو بس في شعري حتى في البشرة , و قالتلي الدكتورة انو احسن شيء اتحط في كبسولات هو الاوميغا 3 و فعلا كلامها صحيح انا استخدم دا النوع جربوه .

10/ سليك كونتور كيت 

ممتازة فيها بودرة لتحديد الوجه و بودرة للاضاءة و بسعر كويس تقارن بالماركات الغالية و في منها ثلاث درجات (لايت , ميديم ,دارك ) يعني مها كانت لون بشرتك حتلاقي الي يناسبك , فيها كمية كويسة مو قليلة تقعد معاكي لفترة  , استخدمها يوميا احيانا ما استخدم بلشر للوك طبيعي اكثر بس ارز خدودي بالتحديد و الاضاء و دا ممكن يكون للوك راقي اكتر ادا اتعمل ممع مكياج عيون و لون شفايف غامق او صارخ (اخمر , عودي , برتقالي ) . جربوها ومحا تندموا !

 اش اكثر منتجات حبيتوها في شهر ابريل ؟؟

 كوني دائما على علم بأجد التحديثات بالضغط على 

   

تلاقيها  أسفل الصفحة 

تعالوا سلمو عليا في تويتر هنا :)
حابة تسألي عن شئ اتفضلي هنا